СЕВЕРНА МАКЕДОНИЈА: ПИН ПЕТРОЛ Куманово во партнерство со ORYX Assistance за побезбедни патувања без грижи

ORYX Assistance и ПИН ПЕТРОЛ Куманово склучија партнерство со кое на корисниците на ПИН ПЕТРОЛ им се овозможува пристап до производот Roadside ORYX Assistance – специјализирана услуга за помош на пат, создадена да им пружи поддршка на возачите во случај на сообраќајни незгоди, дефекти на возилото и други непредвидени ситуации на патот.

Корисниците можат да изберат помеѓу три приспособени пакети за помош – Македонија, Регион и Европа – кои обезбедуваат покриеност во различни географски зони. Во зависност од избраниот пакет, услугите вклучуваат поправка на лице место, влечење на возилото до овластен сервис и достава на гориво. Пакетите Регион и Европа вклучуваат и дополнителни поволности како што се заменско возило, хотелско сместување и организирање алтернативен превоз.

Сите пакети овозможуваат пристап до контакт-центар достапен 24/7/365, како и поддршка преку мобилната апликација Drive Angel.

Преку оваа соработка со ПИН ПЕТРОЛ Куманово, ORYX Assistance продолжува да ја зајакнува својата меѓународна партнерска мрежа, посветена на обезбедување достапна, сигурна и врвна помош на пат, овозможувајќи им целосен мир и сигурност на возачите каде и да патуваат.